मिति २०७८ असोज ११ गते कार्यसमिति बैठकको निर्णयहरु
आज मिति २०७८ असोज ११ गते नेपाल पत्रकार महासंघ दाङको बैठक अध्यक्ष दुर्गालाल केसीको अध्यक्षतामा भएको बैठकले निम्नानुसारको निर्णयहरु गरेको छ–
१) नेपाल पत्रकार महासंघ केन्द्रिय समितिले युरोपीयन युनियन र ईन्टरनेशनल अलर्टको सहयोगमा सञ्चालन गरेको परियोजना अन्तरगत मिति २०७८ असोज १२ गतेदेखीे एक हप्ते पत्रकारिता तालिम घोराहीमा आयोजना गर्ने निर्णय गरियो । तालिममा जिल्लाका ४० जना पत्रकारहरु सहभागी हुने छन् ।
२ं) हिन्दुहरुको महान् पर्व बिजयादशमीको अवसरमा बंगलाचुली गाँउपालिकासँगको समन्वयमा शुभकामना आदानप्रदान एवं ‘बंगलाचुलीको पर्यटन पर्वद्धनमा सञ्चारमाध्यमको भूमीका’ विषयक अन्तरक्रिया कार्यक्रम बंगलाचुली गाँउपालिका ५ बंगलाचुली लेकमा आयोजना गर्ने निर्णय गरियो ।
३) नेपाल पत्रकार महासंघ दाङको ११ औँ महाधिवेशनबाट निर्वाचित कार्यसमितिले पत्रकारहरुसँग सल्लाह सुझाव लिनकालागी सुझाव संकलन कार्यक्रम आयोजना गर्ने निर्णय गरियो ।
४) नेपाल पत्रकार महासंघ दाङका साधारण सदस्य हिरामणी दुखीको ममतामयी आमा तुलसीपुर ५ नामीनगर निवासी ८१ वर्षीय लक्षीमा पौडेलको हालै भएको निधनप्रति दुःख व्यक्त गर्दै मृतकको आत्माको चिरशान्तिको कामनासहित परिवारजनमा गहिरो समवेदना व्यक्त गर्ने निर्णय गरियो ।
