दीगो र समुन्नत विकासका लागि मिडियाको महत्वपूर्ण भूमिका : अध्यक्ष पोख्रेल
दाङ, ५ फागुन । नेपाल पत्रकार महासंघका केन्द्रीय अध्यक्ष विपुल पोख्रेलले दिगो र समुन्नत विकासका लागि मिडियाको भूमिका महत्वपूर्ण हुने बताउनुभएको छ । उहाँले स्थानीय तहको योजना तर्जुमा जनताको सहभागीता गराउनदेखि छनोट भएका योजनाहरुलाई सही रुपमा कार्यान्वयन गराउनका लागि संचार क्षेत्रले महत्वपूर्ण भूमिका खेल्न सक्नुपर्ने बताउनुभएको हो ।फ्रि मिडिया नेटवर्क दाङको आयोजना तथा नेपाल पत्रकार महासंघ दाङ शाखाको समन्वयमा बिहीवार घोराहीमा भएको ‘स्थानीय तहको योजना तर्जुमा प्रक्रियालाई समावेशी बनाउन संचार क्षेत्रको भूमिका’ विषयक कार्यक्रममा बोल्दै अध्यक्ष पोख्रेलले यस्तो बताउनुभएका हो । उहाँले सामाजिक एकताका लागि समावेशी विकासको आवश्यकता रहेको भन्दै त्यसका लागि जनताको सहभागीतामा तल्लो तहदेखि समावेशी रुपमा योजनाहरुको छनोट हुनुपर्ने बताउनु भएको थियो । त्यसका लागि जनप्रतिनिधिको भूमिका महत्वपूर्ण हुने भन्दै प्रमुख अतिथि पोख्रेलले जनतालाई विकासको अनुभुति हुने गरी काम निर्माणका कामहरु हुनुपर्ने बताउनुभयो । दीगो विकास र समुन्नत समाज निर्माणका लागि मिडियाको महत्वपूर्ण भूमिका हुने भएकाले योजना छनोटदेखि कार्यान्वयनसँग ध्यान दिनुपर्ने बताउनुभयो ।
महासंघका अध्यक्ष पोख्रेलले योजना छनोट गर्दा पहुँजभन्दा स्थानीयको आवश्यकतालाई प्राथमिकता दिनुपर्ने बताउनु भएको थियो । उहाँले नीति राम्रो हुने तर व्यवहारमा लागु नहुँदा योजना छनोटदेखि कार्यान्वयनसम्म कमजोरी देखिने गरेको भन्दै त्यसलाई सुधार गर्न ध्यानदिनुपर्ने बताउनुभयो । ‘नीति राम्रो हुने तर नियत ठिक नहुने हो भने काम हुँदैन’,उहाँले भन्नुभयो,‘नियत ठिक बनाएर काम गर्न ध्यानदिनुपर्छ । तर्क÷कुर्तक गरेर जनतालाई ठग्न पाइदैन ।’
नेतृत्व गम्भीर बनेर आवश्यकता र समस्या पहिचान गर्न सकेमा मात्रै कामले सार्थक बन्न सक्ने हुँदा मिडियाले उठाउने गरेका मुद्दालाई जनप्रतिनिधिले गम्भीरतापूर्वक लिनुपर्ने बताउनुभयो । अनेक कारण तेर्साएर तर्क दिएर जनप्रतिनिधि भाग्न नमिल्ने बताउँदै पोख्रेलले जनतालाई परेका समस्या समाधानका लागि स्थानीय तहका नेतृत्वले सहजीकरण गर्नुपर्ने सुझाव दिनुभएको थियो ।
‘जनतालाई समस्या पर्दा सम्वन्धीत तहको नेतृत्वले पहल गर्नुपर्छ । तर्क र कुतर्क गरेर पन्क्षिण पाइदैन’,उहाँले भन्नुभयो ,‘जनताको नजिकको सरकार स्थानीय तह हो । स्थानीय तहका जनप्रतिनिधले आफ्नो क्षेत्राधिकार होइन भनेर भाग्न मिल्दैन ।जनताको समस्यालाई सम्वोधन गर्नुपर्छ ।’ कार्यक्रममा स्थानीय तहका प्रमुख÷उपप्रम्ुखलगायतका जनप्रतिनिधिसहित विभिन्न संघसस्थाहरु प्रतिनिधि तथा सञ्चारकर्मीहरुको सहभागिता रहेको थियो ।
कार्यक्रममा तुलसीपुर उपहानगरपालिका प्रमुख टिकाराम खड्का, उपप्रमुख स्यानी चौधरी,घोराही उपमहानगरपालिका उपप्रमुख हुमाकुमारी डिसी, गढवा गाउँपालिका अध्यक्ष यमनारायण पोख्रेल, बंगलाचुली गाउँपालिका उपाध्यक्ष भक्तबहादुर जिसी, राप्ती गाउँपालिका उपाध्यक्ष कमलापति चौधरी, राप्ती गाउँपालिकाका प्रमुख प्रशासकीय अधिकृत नेबबहादुर वली, घोराही उपमहानगरपालिका वडा नं ७ का वडा अध्यक्ष खोपीराम चौधरी, प्रेस काउन्सिल नेपालका सदस्य शरद अधिकारी, नागरिक समाज दाङका संयोजक केबी मसाल, नेपाल पत्रकार महासंघ दाङ शाखाका पूर्व अध्यक्ष सविन प्रियासन, महिला मानवअधिकार रक्षक संजाल दाङकी अध्यक्ष सुशीला पौडेल,नेपाल कुसुण्डा समाज विकास केन्द्रका अध्यक्ष धनबहादुर कसुण्डा, मुक्तकमैया समाज दाङका अध्यक्ष हरिचन्द्र चौधरी, मुक्त कमलरी विकास मन्चकी ज्ञानु थापा, नेपाल महिला सामुदायिक सेवा केन्द्रका पवन योगी