पत्रकार महासंघ दाङ शाखामा सुबेदीको नेतृत्वमा सर्वसम्मत
नेपाल पत्रकार महासंघ दाङ शाखामा सर्वसम्मत नेतृत्व चयन भएको छ।
बिहीबार सन्तोष सुवेदीको नेतृत्वमा सबै पदहरू सर्वसम्मतले चयन भएको हो।
उपाध्यक्षमा ओपेन्द्र बस्नेत र नारायणी रजौरे, सचिवमा जेएन सागर, सहसचिवमा प्रकाश चौधरी, बसन्त परियार र कोषाध्यक्षमा अमरराज भण्डारी निर्विरोध निर्वाचित हुनुभएको छ । यस्तै सदस्यहरुमा कृष्णप्रसाद न्यौपाने, छविलाल पुरी, जंगबहादुर रेउले, टेकबहादुर पुन, नारायणप्रसाद नेपाल, रमा नेपाली, सन्तोष खनाल, सरिता चौधरी, सुमन केसी, सुरक्षा चौधरी र हेमराज नेपाली चयन हुनु भएको छ ।
यसैगरी राष्ट्रिय परिषद् सदस्यहरुमा दिप्तीशिखा चौधरी, सुलोचना गौतम, शरद अधिकारी र सुशीलकुमार बस्नेत चयन हुनुभएको छ भने प्रदेश परिषद् सदस्यमा अमरराज आचार्य, उदय विसी, उमा भण्डारी, कुलदीप न्यौपाने, गिरिराज नेपाली, चन्द्रप्रकाश नेपाली, दशरथ घिमिरे, निमुसंगम घर्ती, यमकला भुसाल र शिवराज पन्थी चयन हुनुभएको छ ।
नेपाल प्रेस युनियन र प्रेस चौतारी बीच भएको गठबन्धन अनुसार दाङ नेपाल प्रेस युनियनका भागमा परेको थियो।
युनियनको भागमा परे पनि प्रेस सेन्टर नेपाल, जनवादी पत्रकार संगठन, प्रगतिशिल पत्रकार संगठन लगायतलाई पनि केही पदहरू भागवण्डा गर्न सहमति भएपछि दाङमा सर्वसम्मत नेतृत्व चयन भएको हो।
त्यसैका आधारमा दाङ शाखामा अध्यक्ष सुवेदीको नेतृत्वमा सर्वसम्मत नेतृत्व चयन भएको घोषणा गरिएको निर्वाचन समितिका संयोजक सुदीप गौतमले जानकारी दिए। दाङ शाखामा १८ सदस्य कार्यसमिति छ।