महासंघले ‘डिजिटल मिडिया लिट्रेसी’ क्याम्पेन सञ्चालन गर्ने
नेपाल पत्रकार महासंघ दाङले डिजिटल मिडिया लिट्रेसी सम्बन्धी अभियान सञ्चालन गर्ने भएको छ । बुधबार महासंघका अधयक्ष दुर्गालाल केसीको अध्यक्षमा बसेको बैठकले मिडिया लिट्रेसी सम्बन्धी तालिम सञ्चालन गर्ने निर्णय गरेको हो ।
यस्तै महासंघले विज्ञापनदाता र सञ्चारमाध्यका सञ्चालकबीच छलफल गर्ने निर्णय पनि गरेको महासंघका सचिव आरके सितलले जानकारी दिनुभयो । उहाँकाअनुसार जिल्लाबाट ठूलो मात्रामा विज्ञापनहरु बाहिरी जिल्लाका सञ्चारमाध्यममा जाने प्रचलन रहेको भन्दै अबदेखि जिल्लाका सञ्चारमाध्यमहरुमा दिने वातावरण निर्माण गर्न लागिएको हो ।
यस्तै मिडिया सचेतना कार्यक्रम गर्ने र नेपाल पत्रकार महासघ दाङले सुरु गरेको फिचर सेवालाई निन्तरता दिने निर्णय पनि गरेको छ ।
यस्तै नेपाल पत्रकार महासंघ दाङका सदस्य रञ्जीता अधिकारीको ससुरा बुवा बलदेव शर्मा आचार्यको निधनप्रति चिरशान्तिको कामना सहित परिवारजनमा गहिरो समवेदना व्यक्त गरेको छ ।
हेर्नुहोस् बैठकको निर्णयहरु
