मिति २०७८ मंसीर २६ गते नेपाल पत्रकार महासंघ दाङको बैठक
आज मिति २०७८ मंसीर २६ गते नेपाल पत्रकार महासंघ दाङको बैठक अध्यक्ष दुर्र्गालाल केसीको अध्यक्षता भएको बैठकले निम्नानुसारको निर्णयहरु गरेको छ–
१. नेपाल पत्रकार महासंघ दाङको स्थापना दिवश पुस १ गतेदेखी ४ विविध कार्यक्रम गरि मनाउने निर्णय गरियो । जस अन्तरगत पुस १ गते रक्तदान कार्यक्रम, २ गते बंगलाचुलीमा मिडीया सम्मेलन, ३ गते पत्रकार महासंघ दाङको वेवसाईड सार्वजनिक र ४ गते पुरस्कार वितरण तथा स्थापना दिवश बिशेष कार्यक्रम गर्ने निर्णय गरियो ।
२. स्थापना दिवश मनाउनकालागी विभिन्नसमितिहरु गठन गरिएको छ । अध्यक्ष दुर्गालाल केसी संयोजक, उपाध्यक्षहरु बसुन्धरा गौतम र सन्तोष सुवेदी छनोैट समिति, सचिव आर।के।शीतल संयोजक, सह–सचिवहरु दशरथ घिमीरे र दीप्तीशिखा चौधरी सदस्य रहेको स्थापना दिवश कार्यक्रम व्यवस्थापन समिति, कुलदीप न्यौपाने संयोजक, यमकला भुषाल र दुखहरण यादव सदस्य रहेको रक्तदान कार्यक्रम व्यवस्थापन समिति, उदय बिसी संयोजक, प्रेम तिवारी र गिरिराज नेपाली सदस्य रहेको मञ्च व्यवस्थापन समिति, शिवराज खनाल संयोजक, अञ्जना चौधरी र उमा भण्डारी सदस्य रहेको स्वागत सत्कार समिति गठन गरिएको छ ।
।
३.रेडियो स्वर्गद्धारीमा कार्यरत सञ्चारकर्मी रामसिंह विश्वकर्मा दुबै मृगौला फेल भईमानव अंग प्रत्यारोपण केन्द्र सहिद धर्मभक्त किड्नी ट्रान्सपलान्ट सेन्टर दुधपाटी भक्तपुरमा उपचारत रहेकाले उहाँको उपचारकालागी अभियान सुरु गर्ने निर्णय गरियो । जसकालागी पत्रकार महासंघ दाङ शाखामा वा रामसिंह बिकको नाममा कृषी विकास बैंकको खाता नम्बर ०९१९४०१९९५३२४०१७ र प्रभु बैंकको खाता नम्बर ०३६००२७१०५००००११ मा रकम जम्मा गरेर भौचर पत्रकार महासंघ दाङ शाखालाई उपलब्ध गराईदिन अनुरोध गर्दछौ ।
४. नेपाल पत्रकार महासंघका राष्ट्रिय परिषद् सदस्य नरेन्द्र के.सीको आमा जानकादेवी केसीको ८७ वर्षको उमेरमा र सदस्य जित सागर जिएमको वुवा भादुराम घर्तिको ८४ वर्षको उमेरमा हालै भएको असामयिक निधनप्र्रति दुःख व्यक्त गर्दै मृततको आत्माको चिरशान्तिको कामना सहित परिवारजनमा गहिरो समवेदना व्यक्त गर्ने निर्णय गरियो ।